Iloilo City: Resolution nga nagadeklarar nga ipaidalum sa State of Calamity ang syudad bangud sang water crisis, gin-aprobahan sang city council

By: Jocelyn Gelloagan-Maque

Magamit na ang P3-M nga ginpa-in nga pundo agud mag-deliver sang tubig sa kabarangayan nga wala sang water supply.

Kasunod ini sang gin-aprobahan nga resolution sang city council nga nagadeklarar nga ipaidalum sa State of Calamity on Water Crisis ang syudad.

Ang resolution gin-sponsor ni Majority Floor Leader Councilor Joshua Alim.

Ginpahayag ni Alim nga mahimo na magamit ang amo nga pundo base sa nasaaad sa memorandum circular sang Department of Budget and Management (DBM) kag Department of Interior and Local Government (DILG).