January 23, 2022

Jaro, Iloilo City: BJMP District Jail sa Ungka, nagpanindugan nga istriko nga gina-tsekyar ang mga dalaw kag preso agud indi makalusot ang illegal drugs

Read Time:45 Second

By: Aine Grace Bravo

Gina-istriktuhan sang Bureau of Jail Management and Penology (BJMP) District Jail sa Ungka, Jaro ang mga nagasulod sa presuhan agud indi makalusot ang illegal drugs.

Paathag ini ni BJMP Jail Warden C/Insp. John Montero kasunod sang report nga nagapadayon ang illegal drug activities sa presuhan nga ginatudlo rason sang kamatayon sang duha ka preso nga sanday Kristian Buivan kag Lenin Gerd Salvalosa nga una ginreport naghikog. Suno kay Montero, istrikto ang pag-conduct nila sang pag-usisa sa lawas kag pagkabutang sang mga preso lakip na ang mga nagabisita nga kababainhan agud malikawan ang pagsulod sang illegal nga druga. Nagpasalig man ini nga usisaon kon paano gid nakalusot ang illegal drugs sa presuhan wala sapayan sang ila istrikto nga pagsulundan.

Ginkumpirmar ni Dr. Owen Lebaquin, medico legal officer sa Campo Delgado, nga positibo sa illegal drugs si Salvalosa base sa nakuha nga specimen sa iya bangkay.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Iloilo City: Doctor’s quarter sang WVSU Medical Center, ginkawatan!
Next post Iloilo: Rice black bugs, nag-atake sa pila ka lugar sa syudad kag probinsya