Iloilo City: 7 ka kabtaan sang prominente nga mga personalidad, gina-monitor sang PDEA 6

By: Aine Grace Bravo

Ginbuyagyag ni Philippine Drug Enforcement Agency (PDEA) 6 Director Paul Ledesma nga may pito ka mga kabataan sang mga prominente nga personalidad sa syudad sang Iloilo ang ginamonitor sang ahensiya bangud sang madata nga baligyaanay sang illegal nga druga sa Smallville Complex sa Mandurriao.

Suno kay Ledesma, masami nagakatabu ang baligyaanay sang illegal drugs partikular ang Ecstacy kag Fly High sa mga private gatherings sa Smallville.

Aminado naman si Ledesma nga madugay na nila namonitor ang impormasyon parte sa baligyaanay sang Ecstacy kag Fly High apang mabudlay ma-detect bangud wala sang ginagamit nga drug paraphernalia.