Iloilo Provincial Capitol, dumalahan sang Malacañang kadungan sang ika-117 nga Independence Day celebration nga pangunahan ni PNoy

By: Aine Grace Bravo

Dumalahan sang Malacañan ang Provincial Capitol kadungan sa ika-117 nga Independence Day buwas.

Ginpahayag ni Provincial Administrator Raul Banias nga nagkonfirmar nga magatambung sa vin d’honneur ang 90 ka diplomats kag 29 ka cabinet members. Lima ka senador naman ang konfirmado na nga ma-upod kay Senate President Franklin Drilon kag may mga kongresista man nga maga-upod kay House Speaker Sonny Belmonte.

Samtang ginpasiguro ni Banias nga preparado na ang Casa Real de Iloilo ukon ang daan nga Provincial Capitol para sa vin d’honneur. Antes sini, may flag raising ceremony sa Sta. Barbara nga magasugod alas-8 sang aga nga pangunahan ni Presidente Noynoy Aquino. Natalana mag-abot sa Iloilo ang pangulo buwas kag magalibot sa major projects sa syudad kag probinsya.