Iloilo: P51-M nga Recovery Assistance for Yolanda, Nabaton na sang 212 ka mga Barangay sa Probinsya

By: Jocelyn Gelloagan-Maque

Nabaton na sang 212 ka mga barangay sa probinsya ang P51 million nga Recovery Assistance for Yolanda kaina sang aga.

Ginpahayag ni Provincial Administrator Raul Banias nga ang kantidad ang ipakaayo sang mga barangay hall, day care centers kag barangay gymnasiums nga ginguba sang Supertyphoon Yolanda.

Suno kay Banias, ang P51-M nga assistance ang kabahin sang P23-B nga Comprehensive Restoration Program sang national government.

Ginhatag sang DILG ang tseke sa mga local chief executive sang Anilao, Badiangan, Banate, Bingawan, Cabatuan, Calinog, Dueñas, Dumangas, Lambunao, Mina, Passi City, Pototan, San Enrique kag Zarraga.

Una na gin-release suno kay Banias ang P96-M nga Recovery Assistance for Yolanda sa kabanwahanan nga naguba ang municipal hall, covered gym kag public market.