November 28, 2021

Iloilo City: (UPDATE) Lalaki nga Gintiro sang Riding-in-Tandem sa Jaro kaina sang Kaagahon, Napatay samtang Ginabulong sa Ospital!

Read Time:55 Second

By: Jocelyn Gelloagan-Maque

 

Sunod-sunod nga pagpangluthang sang riding-in-tandem ang natabu sa likod sang Jaro Cathedral sa sulod lang sang 24 ka oras sa diin isa ang napatay.

Na-operahan na si Jun rey alvarez, 31-anyos sang Sto. Domingo, Arevalo sa iya pilas sa likod nga naglapos sa tiyan sang gintiro kahapon sang kaagahon. Ginpahayag nga nagalakat-lakat ini sa Desamparados, Jaro sang gintiro.

 Napatay naman pasado alas-9 kaina sang aga sa ospital si Juvy Marinduque sang Barangay Guintas, Leganes bangud sang pilas sa dughan.

Gin-ako sang kaupod ni Marinduque nga si Junior Fabillo sang Miagao nga nagbakal sila sang shabu sa Desamparados pasado alas-12 kaina sang kaagahon.

 Suno kay Fabillo, magalakat-lakat sila ni Marinduque sa Claudio Street sa L-98 Jaro malapit lang sa Desamparados sang ginsunod sang riding-in-tandem.

 Nagpanaug suno sa iya ang angkas sang motorsiklo kag ginpamangkot si Marinduque kon ano ang iya dala antes gintiro.

 Narecover sang mga pulis sa compound sang isa ka pamilya ang isa ka sachet sang suspected shabu nga ginhaboy ni Marinduque samtang ginapugos sang suspek.

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Iloilo City: Pagpanguna sang Syudad sa Government Efficiency sang mga Highly-Urbanized Cities sa Bug-os nga Pungsod, Ginpabugal ni Mayor Jed Patrick Mabilog
Next post Pavia: Anum ka mga Estudyante sang Ungka 2 Elem. School, Naospital matapos Ginpahayag nahilo sa Ginkaon nga Dulse!