November 28, 2021

Security guard, natukiban sang iya asawa nga nagsulod sa lodging house matapos nabatian ang balita nga ginpapreso ini bangud wala nakabayad sa bill

Read Time:39 Second

Lapaz, Iloilo City–Natukiban ang katontohan sang bana matapos nabatian sang iya asawa ang balita nga may ginpapreso ang management sang lodging house sa Lapaz bangud wala nakabayad nga kapangalan sang iya mister kahapon sang kaagahon.

Dali-dali nga nagkadto ang asawa sa Lapaz Police Station kag natukiban nga ang bana sini nga si alyas Clarence, 32-anyos, ang ginpreso bangud wala nakabayad sa bill sa Katrina Lodging House. Suno sa room boy, nagcheck-in si Clarence upod sa isa ka babaye kag nag-order sang lima ka botelya sang beer, sinigang kag tubig.

Ang asawa na ang nag-areglar kag nagbayad sang P786 nga bill agud makaguwa sa presuhan ang iya bana. Wala naman sang mahimo ang bana samtang ginayawyaw sang iya asawa bangud sa natabu. (Aine Grace Bravo)

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Gin-alegar miembro sang NPA, boluntaryo nga nagsungka sa Leon police
Next post Iloilo City: Coucilor Plaridel Nava, Ginkasuhan sang Kampo ni Mayor Jed Patrick Mabilog angut sa Kontrobersyal sa 3L Towing Services