Mga misetera sang tanum nga ginhimo rotonda sa tunga sang intersection sa Taft North Mandurriao, ginbutangan sang mga orange barrier

Iloilo City — (UPDATE) Ginbutangan na sang orange barrier ang tunga sang intersection sa Taft North Mandurriao kag natabunan ang mga misetera sang mga tanum nga nagserbi rotonda.

Nagpanugyan ni Councilor R Leone Gerochi, chairman sang Committee on Transportation sa city council kay Transportation Management and Traffic Regulation Office (TMTRO) head Donna Acap nga baklan sang reflectorized sticker ang barrier agud makit-an sang mga motorista kon gab-i.

Ginhambalan man sini si Acap nga pabantayan sang police ang lugar agud indi makawat ang mga orange barrier.

Naoberbahan naman sang konsehal nga talunsay ang bulos-bulos nga pagtabok sa L-98 Jaro kag Taft North Mandurriao apang indi naman malikawan ang malawig nga pila bangud sang kadamuon sang mga salakyan.

Ginpahamtang ni TMTRO point person Mitch Antiqueña ang mga misetera sa intersection agud magtalunsay ang dalagan sang trapiko apang napun-an naman ini sang reklamo sang mga motorista.  (JoMaque)