9 ka tuig nga Bata, ginaalegar ginkandenahan sang iya Lola agud indi makalagaw; Bata, nakapalagyo kag ginsapupo sang mga barangayofficials sa Democracia Jaro!

Iloilo City — Ginkandenahan sang iya lola ang 9 ka tuig nga bata sa Barangay Tabuc Suba, Jaro apang nakapalagyo kag ginsapupo sang mga barangay officials sa Barangay Democracia, Jaro.

Nakit-an kaina sang aga sang mga pumuluyo sa Democracia si alyas Toto sa kilid sang salakyan kag ginpatihan nga ginga-id ini.

Apang sang ginpalapitan, nagatindog lang ini sa salakyan kag nagatabid pa sa iya tiil ang kadena.

Ginpahayag nga ginga-id sa katre ang bata kag nakapalagyo ini sang napalos ang alambre sa kadena nga ginhigot sa hiligdaan.

Gin-ako ni alyas toto nga lola niya ang nagkadena sa iya kagab-e bangud nagalagaw siya sa mga malayo nga lugar.

Suno naman kay punong barangay Rex Jalbuena sang Democracia, may record sang pagpangawat sa ila barangay si alyas Toto.

Gin-refer ni Jalbuena ang bata sa Depart of Social Welfare and Development (DSWD-6) bangud sa nakita nga sitwasyon sini. (JoMaque)