Kamara de Representantes, imbestigaran ang maanomaliya nga pagpanatag sang Shelter Assistance sa mga Yolanda victims sa 5th District sa Probinsya

Iloilo — Imbestigaran sang Kamara de Representantes ang indi alalangay nga pagpanagtag sang Shelter Assistance sa mga biktima sang Supertyphoon Yolanda sa kinto distrito.

Kasunod ini sa pag-file ni 5th District of Iloilo Representative Niel Tupas, Jr sang House Resolution No. 2394 nga nagahinyo nga imbestigaran ang Department of Social Welfare and Development (DSWD) Secretary, DSWD 6 Director, mga local officials sang banwa kag mga punong barangay nga ginaalegar nagabuhin sa kuwarta sang mga benipisaryo sang shelter assistance.

Gintumod ni Tupas ang indi alalangay nga pagpanagtag sang assistance nga P30,000 sa mga may partially-damaged kag totally-damaged nga balay.

Nasaad sa pagsulundan sang DSWD nga magabaton sang P30,000 ang kada pamilya nga may totally-damaged nga balay samtang P10,000 naman sa mga partially-damaged. (JoMaque)