December 8, 2021

Pila ka mga nagprotesta batuk sa budget cut sang State Universities, ginpang-aresto!

Read Time:59 Second
11951369_1040266589338793_8232443912838000586_n
Photo (c) FB account of Atty. Pistong Melliza

Iloilo City–Gin-aresto ang pila ka miembro sang nagkalain-lain nga cause-oriented groups lakip ang duha ka professors sang University of the Philippines Visayas samtang nagahimo ang protesta sa dalan General Luna, City Proper kahapon.

Suno kay Mr. Reylan Vergara, chairperson sang Karapatan Panay, kaupod sa mga nagprotesta ang pila ka estudyante sang UPV nga nagapamatuk sa ginaproponer nga pagbuhin sa pundo sang mga state universities and colleges (SUSs) sa pungsod. Plano kuntani sang grupo nga magpadulong sa Provincial Capitol agud maghiwat sang programa apang ginbanggaan sila sang mga anti-riot police kag ginpang-aresto.

Ginpahayag ni Vergara nga lakip sa ginpangdakup nga ginalakipan sanday UPV Professors Gretchen Velarde kag Erick Dasig Aguilar kag mga militant leaders nga sanday Bryan Bosque, Gabriel Guillen, Weni Pobliso, Randy Vergara, Hope Hervilla kag Rene Paredes. Nakaguwa na ang mga ini kaina sang kaagahon.

Suno naman kay Bosque, nagpangayo sila sang permit sa City Hall apang wala sila ginhatagan bangud sa ginpahayag ordinansa nga nagadesignar sa Lapaz Plaza nga pwede lang mangin venue sang mga protest rally. (Aine Grace Bravo)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Former City Councilor Jeffrey Ganzon, nagsaylo sa Liberal Party
Next post Protesta sang mga Estudyante sang UP, magapadayon bisan pa nga Gindakop sang mga Police sang Nagligad nga Adlaw