July 6, 2022

Kasing-kasing, Molo Punong Barangay Gemma Calzado, gin-akusaran nga nagsinggit sa staff ni Dr. Gold Gonzales

Read Time:45 Second

Iloilo City–Ginsinggitan kag ginmolay ni Kasing-Kasing Punong Barangay Gemma Calzado ang staff ni Dr. Gold Gonzales.

Gin-alegar ni Pinky Longno nga nagsinggitan si Calzado sang nagkadto ang grupo ni Gonzales sa isa ka balay sa barangay. Ginpahayag nga nagsinggit ang punong barangay nga wala sang makuha nga boto sa naga-istar sa nasambit nga balay kag pangwartahan lang si Doctor Gonzales.

Suno pa kay Longno, nagpabutyag pa si Calzado nga ginpabay-an siya sang mga Gonzales sang ginpasakaan ini sang kaso. Nagpaandam man suno sa iya si Calzado nga mag-agi sa iya ang grupo kon magsulod sa barangay.

Ginpanghiwala ni Calzado ang akusasyon. Suno sa punong barangay, posible nga na-misinterpret lang ang iya paghambal bangud daku ang iya tingog. Indi matuod suno sa iya ang akusasyon nga nakahambal siya nga dapat mag-agi sa iya ang mga nagakadtu sa ila barangay. (Aine Grace Bravo)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Tuyo nga paglumpat sang lalaki sa Infante flyover, napunggan sang pulis
Next post Councilor Plaridel Nava kag ICLAJODA Pres. Boyet Parcon, ginpasakaan sang kaso sa Office of the Ombudsman ni Mayor Jed Patrick Mabilog