Councilor Plaridel Nava, nanghiwala sa bag-o nga akusasyon sa iya nga nagwaras siya sa Iloilo International Airport

Iloilo City–Propaganda lang sang grupo ni Mayor Jed Patrick Mabilog ang bag-o nga akusasyon nga nagwaras si Councilor Plaridel Nava sa Iloilo International Airport kagab-i.

Gin-ako ni Nava nga kaupod sila sa eroplano ni Mabilog. Apang wala sang kamatuoran suno sa iya ang report nga nagwaras siya ukon nagwangal batuk sa alkalde.

Ang matuod suno kay Nava, daw siya pa ang ginagarit-garit ni Mabilog matapos nga nakita niya ini nga nagtudlo sa iya kag daw ginpadayaw nga ginpasakaan siya sang kaso kahapon apang wala niya ini ginsapak.

Imposible suno kay Nava nga magwaras sa airport bangud madamo sang pulis sa paluparan. (Aine Grace Bravo)