Duha sa tatlo ka suspek sa paghold-up kag pagbuno sa taxi driver sa Manduriao, nadakpan na

Iloilo City–Nadakpan na ang duha ka suspek nga naghold-up kag nagbuno sa taxi driver nga si Lito Ombrero sa Manduriao sang Domingo.

Suno kay C/Insp. Kit Flora, na-identify ni Ombrero ang nagbuno sa iya paagi sa rouge gallery nga si Anastacio Almarines Jr, 19 anyos sang Lapuz Sur. Nadakpan man ang ginpahayag kaupod ni Almarines nga si Eris Abadoya, 25-anyos sang Barrio Obrero. Pasado alas-8 kagab-I sang ginpick-up ang duha sa ila balay. Nagbalibad naman ang mga pulis nga ibuyagyag ang identity sang isa pa ka suspek nga nagapabilin nga at-large.

Padayon naman nga ginabulong sa Western Visayas Medical Center si Ombrero nga ginkakas gid ang tuo nga mata nga naigo sang ginbuno sang mga suspek. (Aine Grace Bravo)