Isa sa tatlo ka suspek sang pagbuno patay sa taxi driver sa Pavia, nadakpan!

Iloilo City–Nadakpan ang isa sa tatlo ka suspek nga naghold-up kag nagbuno patay sa driver sang GDR Taxi nga si Jonathan Causing sa Tigum, Pavia kahapon sang kaagahon.

Nagapanago sa tamburong sa relocation site sa Lanit, Jaro si Neniel Dakinay, 27-anyos sang Sitio Little Janiuay, Cubay, Jaro kaupod sanday alyas Jared kag alyas JL sang nadakpan kahapon sang hapon apang nakapalagyo ang duha. Gin-ako ni Dakinay nga ginbuno niya si Causing bangud nga nagbato. Apang gintudlo sini si alyas Jared nga amo ang nagdeklarar sang hold-up kag nagpugos sa biktima.

Suno kay Dakinay, nagsakay sila sa Taft North, Manduriao kag nagpadul-ong sa San Isidro, Jaro apang nagbag-o ang ila pinsar kag ginhambalan ang driver nga magdiretso sa Pavia. Gin-alegar ni Dakinay nga nag-roro pa sang shabu sanday Jared kag JL sa Bakhaw, Manduriao antes ang krimen.

Nasapwan si Causing nga duguon sa guwa sang iya taxi sa Tigum, Pavia pasado alas-3 kahapon sang kaagahon gani ginhingagaw dala sa West Visayas State University Medical Center apang napatay bangud sang pito ka pilas sang pagkabuno sa dughan kag mga defense wounds sa kamot. (Aine Grace Bravo)

About Post Author

Aksyon Radyo Iloilo 720Khz

admin@aksyonradyoiloilo.com.ph

http://aksyonradyoiloilo.com.ph

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %