December 2, 2021

Update: Taxi driver nga ginhold-up kag ginpatay sa Pavia, naka-agum sang 14 ka pilas sang pagkabuno base sa autopsy

Read Time:52 Second

Iloilo City–Katorse tanan ka mga pilas sang pagkabuno ang naagum sang taxi driver nga si Jonathan Causing nga ginhold-up kag ginbuno patay sa Tigum, Pavia sang Domingo sang kaagahon.

Sa pag-autopsy ni Dr. Owen Lebaquin, medico legal officer sang PRO-6, sa bangkay ni Causing, may yara ini sang anum ka pilas sa dughan, apat sa likod, tatlo sa kamot kag isa sa tuo nga abaga. Suno kay Lebaquin, pinaka-patal nga pilas ni Camo ang sa dughan sa diin naigo ang iya corazon nga gintunaan sang iya kamatayon.

Nagapati si Lebaquin nga masobra sa duha ka tawo ang nagpuli buno sa biktima kag isa lang ka sahi sang kutsilyo ang gingamit. Nagpanagang suno sa iya ang biktima samtang ginabuno base sa mga defense wounds sini sa kamot.

Una dire, gintudlo sang nag-surrender nga suspek nga si alyas Jay-el, 16-anyos ang mga kaupod nga sanday Neniel Dakinay, 27-anyos kag Jared Baylon, 18-anyos, nga amo ang nagdeklarar sang hold-up kay nagbuno kay Causing. (Aine Grace Bravo)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Ginapatihan miembro sang NPA, patay sa engkwentro sa Tubungan!
Next post Councilor Plaridel Nava, liwat nag-file sang kaso kontra kay Mayor Jed Patrick Mabilog, BAC Chairman Joren Sartorio angut sa pagbakal sang Syudad sang 6 ka Wheel clamps