Association of Taxi Operators in Panay, nagaduso nga indi pagpasuksukon sang seatbelt ang mga taxi drivers kon gab-i

Iloilo City–Ginaduso sang Association of Taxi Operators in Panay (ATOP) nga indi na pag-i-require nga magtakod sang seatbelt ang mga taxi drivers kun gab-I tubtob kaagahon.

Isa ini sa mga tikang nga nadumduman sang asosasyon bilang proteksyon sang mga drivers batok sa mga holdaper. Ginpahayag ni ATOP President Perfecto Yap nga mas mahapos para sa mga driver nga makapalagyo kun indi pag-itakod ang ila seatbelt pananglitan nga holdapon sila.

Magluwas sa indi pag-require sa mga drivers sa pagtakod sang seatbelt, plano man nga ibalik ang log in log out system, pagbutang sang cage kag camera sa dashboard sang taxi pero ini suno kay Yap ang medyo magasto. (Aine Grace Bravo)