August 15, 2022

#Desisyon2016: Anay Congressman Oscar Garin, ginkadlaw na lang ang kalain sang buot sa sorpresa nga pagfile ni Congressman Niel Tupas Jr sang certificate of candidacy sa pagka-vice governor sang Liberal Party

Read Time:1 Minute, 1 Second
Oca Garin
Former Cong. Oscar Garin

Iloilo–Kun sadto kapayas, sa karon flashlight naman ang ginhimo nga pala-anggiran ni anay Congressman Oscar Garin sa karera sang iya pamilya sa pulitika.

Ginpaagi na lang ni Garin sa kadlaw ang kalain sini sang buot sa development sa pulitika sa probinsiya. Wala nahinago ni Garin ang pagkadismaya sang nahibaluan nga nag-file sang certificate of candidacy kahapon si 5th district Congressman Junjun Tupas sa pagka-bise gobernador bisan wala pa sang nahuman nga istoryahanay kun diin sa pamilya Garin ukon Tupas magahalin ang kandidato sang Liberal Party para sa amo nga posisyon.

Suno kay Garin, kun sadto ginpasaka siya sa kapayas kag gintapas matapos siya ginpasalig nga suportahan kag gintalikdan man sang ulihi, sa karon naman, ginpahayag ni Garin nga daw pareho lang nga ginsugo siya nga maglatay sa siga sang flashlight kag sang yara na siya sa punta gulpi lang ini ginpatay. Ang istorya sang kapayas sadto, nagsugod sa pag-pledge ni anay Congressman Boboy Syjuco sang suporta kay Garin sa pagka-gobernador kontra kay anay Governor Niel Tupas. Pero sang ulihi, nagtipyok sang suporta si Syjuco kay Tupas kag gintalikdan si Garin. (Aine Grace Bravo)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Elsa Copina nga isa sa mga suspek sa pagpatay kay SPO1 Nestor Peregrino sa Pototan, nagbalibad nga maghatag sang komento sa kaso!
Next post Ginpirmahan nga unity covenant nanday Gov. Arthur Defensor kag former Cong. Ferj Biron, wala nagasaad sang suporta sa vice governor candidate sang Liberal Party