Registration of Voters, nagpadayon subong nga adlaw!

Nagpadayon na subong nga adlaw ang Registration of Voters sang mga luyag magboto sa masunod nga tuig nga eleksyon.

Magapadayon ini tubtob Oktubre 31. Ginsuspender sang Commission on Elections (COMELEC) ang rehistrasyon sang mga botante sang Oktubre 12 tubtob 16 agud hatagan ligwa ang filing sang Certificate of Candidacy (COC) sang mga nagahandum magpapili sa May 2016 elections.

Ginpahayag ni Atty. Dennis Ausan, regional director sang Comelec, nga 12 oras nga magatrabaho ang mga personnel sang Comelec halin subong tubtob Oktubre 31 lakip ang Dominggo, las-8 sa aga tubtob las-8 sa gab-i.