Kabulig sa Karinderya sa La Paz, naghikog!
Iloilo City — Nasapwan nga patay na ang kabulig sa karinderya sa Rizal Lapuz, La Ppaz kaina sang kaagahon. 
Ang amo mismo ni alyas Kikay Sorsano sang Calaboa Leganes ang nakakita sa iya nga nakabitay sa sulod sang karinderya pasado alas-5 kaina sang aga.
Nakita nga gingamit sa pagbitay ni Kikay ang jacket.
Suno sa ama sini, nagbalik kahapon sang hapon si Kikay sa karinderya kag naglisensya nga didto matulog.
Masami suno sa ama nga naga-away si Kikay kag ang iya live-in partner nga si alyas Jun nga naga-istar sa tabok sang karinderya.
Suno naman kay Jun, nagsunggod si Kikay kag nakahambal sadto nga ma-suicide siya.
Alas-3 kaina sang kaagahon suno kay Jun sang nagpauli siya.
May nakasugid man sa iya nga may nakakita pa kay Kikay nga nagpanigarilyo mga alas-4 kaina sang kaagahon. (JoMaque)