(Update) Coast Guard-Iloilo, may nakita nga kapaltahan sa kapitan sang nagkulob nga MB Tawash sa Iloilo-Guimaras Strait
Read Time:1 Minute, 13 Second
Iloilo City–May nakita nga kapaltahan ang coast guard iloilo sa kapitan sa MB Tawash antes ini nagbiyahe pakadtu sa Jordan, Guimaras sang Domingo sang hapon.
Suno kay Lt. Edison Diaz, station commander sang Coast Guard-Iloilo, natukiban nga wala sang pirma sang naka-duty nga Coast Guard personnel ang master’s declaration of safe departure (MDSD) sang nagbiyahe ang MB Tawash.
Apang gin-athag ni Diaz nga puwede makabiyahe sa amo nga tion ang pumpboat bangud makanay ang panahon. Posible lang suno sa iya nga nalipatan sang tripulante nga gintugyanan sang kapitan ang pagpapirma sang MDSD. Natabuan naman nga naabtan sang pugada sa tunga sang lawod ang pumpboat kabangdanan nagkulob ini nga nagresulta sa pagkamatay sang pito ka tawo.
Reaksyon ini ni Diaz matapos ginbasol ang Coast Guard sa insidente bangud sang ginpahayag mahinay nila nga pagresponder kag kapaslawan nga mahibaluan ang matuod nga numero sang mga pasahero sang pumpboat. Ginpanghiwala ni Diaz ang akusasyon kag sa pagkamatuod suno sa iya, ginpadala niya insigida ang iya mga tinawo sakay sa iban nga pumpboat agud luwason ang mga biktima.
May ginpaapas pa gid nga rescue boat ang Coast Guard para sa mas madasig nga rescue operations. Indi man matuod suno sa iya ang alegasyon nga wala sang miembro sang Coast Guard nga nakasakay sa pump boat nga nagrescue sa mga pasahero. (Aine Grace Bravo)
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
More Stories
Lanai Restobar sa Smallville Complex, Mandurriao, ginarekomendar nga pasiraduhan bangud sang paglapas sa health protocols
ILOILO CITY -- Ginarekomendar sang City Compliance Team kay Mayor Jerry Treñas nga pasiraduhan ang Lanai restobar sa Smallville Complex...
New COVID-19 variant, ginhingadlan nga Omicron sang WHO, gin-classify nga ‘variant of concern’
Ginhingadlan sang World Health Organization (WHO) nga Omicron ang bag-o nga COVID-19 variant kag gin-classify ini nga "variant of concern."...
ACTIVITY | 3-day National Vaccination Drive sa Nobyembre 29-Disyembre 1
ILOILO – Ginahaylo sang Iloilo City kag Iloilo Provincial Government ang mga wala pa makapabakuna batok sa COVID-19 nga mag-upod...
SIT, may resource person na nga makabulig tudlo sa mga suspetsado sa pagpatay kay Claire Diergos
ILOILO -- May resource person na ang Special Investigation Team nga makabulig tudlo sa mga suspetsado sa pagpatay kay Claire...
PLTCOL Antonio Dizon, nagdepensa sa mga akusasyon batok sa iya sang babaye nga Police Corporal nga gin-pressure niya matapos wala siya ginsapak sang ginpadal-an niya sang tsokolate kag bulak
ILOILO CITY – May nahimo nga sala ang babaye nga police corporal nga nagreklamo sa Napolcom 6 batuk kay PLTCOL...
Task Force on Morals and Values Formation, nasiplatan nga nagatulod sang palyado nga service vehicle nga ila ginhulam agud maka-inspeksyon sa mga bars kag night clubs; Task Force, madugay na nga naga-request sang service vehicle
ILOILO CITY -- Nasiplatan sang Aksyon Radyo Iloilo ang mga miyembro sang Task Force on Morals and Values Formation nga...
Average Rating