Deped 6, nanginwala nga nagpabaya ang ahensya sa mga preparasyon sa K-12 Program

Iloilo City–Ginpanghiwala ni Department of Education 6 Information Officer Lea Belleza nga wala sang may ginahimo ang ahensya bilang preparasyon sa K-12 program.

Ginpa-athag ni Belleza nga wala sila nagapabaya kag ginatugyan sa local government ang ila trabaho. Sa nakaligad nga lima ka tuig sang gin-implementar ang k-12, gintinguhaan sang ahensya suno kay Belleza nga ma-amat amat ang pagpatindog sang dugang nga mga eskuwelahan para sa incoming senior high school students.

Ginkompormehan sini ang pahayag ni Engr. Suzette Pamplona, ang senior education program specialist-regional physical facilities coordinator sang Deped 6, nga may on-going construction sang mga buildings para sa K-12 program. Gintumod sini ang 115 milyones pesos nga pundo sang ahensya para sa pagpatindog sang bag-o nga buildings sa 10 ka mga national high schools sa syudad. (Aine Grace Bravo)