Driver sang depasahero nga jeep, patay matapos nabungguan sang truck ang ginamaneho nga salakyan!

Antique — Patay ang driver sang depasahero nga jeep nga residente sang Airport Mandurriao matapos nabungguan sang truck ang iya salakyan sa La Paz, Hamtic Antique.

Ginkilala ang biktima kay Henry Enriquez, 45 anyos. Kritikal naman ang iya asawa nga si Shelly, 43, nga iya kaupod sa jeep sang natabu ang insidente.

Suno kay PO2 Mark Jophet Jallorina sang Hamtic PNP, nagapondo sa higad sang karsada ang jeep sang gin-arado sang 10-wheeler truck nga may karga nga mga ilimnon.

Nadakpan ang driver sang truck nga si Mario Escoton, 25 anyos sang Supang, San Jose, Antique.

Ginpahayag nga pauli na sa Iloilo ang mga biktima matapos nagdul-ong sang ila himata sa san jose sang natabu ang insidente. (JoMaque)