CPU President Dr. Teodoro Robles: 34-oras nga load kada semana sang Senior High School Program, mabug-at para sa mga estudyante

Iloilo City–Mabug-at para sa mga estudyante ang 34 ka oras nga load kada semana sa idalum sang Senior High School Program nga kabahin sang K to 12 curriculum.

Opinion ini ni Central Philippine University (CPU) President Dr. Teodoro Robles sa K to 12 Regional Dialogue sang damlag lang. Para kay Dr. Robles, mahapo para sa incoming Grades 11 kag 12 students ang 34 ka oras kag mahimo nga wala sang madulot nga maayo nga produkto sa edukasyon.

Sa sinapol sang Private Education Assistance Committee, Philippine Business Education kag Philippine Association of Private Schools Colleges and Universities, nahisugtan nga ila hingyuon sa Department of Education nga tatlo ka oras na lang kada semana ang ihatag sa mga estudyante agud makatutok sila sa pagtuon.

Sa pihak nga bahin, ginpabutyag ni Robles nga indi sila magpatindog sang bag-o nga building sa masunod nga tuig para sa Senior High School students. Suno diri, may bastante nga classrooms ang unibersidad para sa incoming Grade 11 students. Mahimo suno sa iya nga mapatindog sila sang dugang nga classrooms pagkaligad pa sang tatlo ka tuig kon magdamo na ang mga estudyante nga maga-enroll para sa SHS program. (Aine Grace Bravo)