August 15, 2022

Driver sang depasahero nga jeep nga nag-alegar makapila ka beses gin-cut ni TMTRO Pointman Mitch Antiqueña, wala na sang plano nga magpasaka sang kaso

Read Time:55 Second

Iloilo City–Wala na sang plano ang driver sang San Miguel nga jeep nga magpasaka sang kaso batok kay Transportation Management and Traffic Regulation Office (TMTRO) Pointman Mitch Antiqueña nga makapila ka beses nag-cut sa iya kag siya pa ang ginpadakop sa traffic aide.

Pero ginpanindugan sang driver nga si Rommel Sabido, nga tatlo gid ka beses siya nga gin-cut ni Antiqueña samtang pareho nga nagadalagan ang ila salakyan sa R. Mapa, Mandurriao sang Nobyembre 3. Gulpi lang suno sa iya nagguwa ang salakyan ni Antiqueñ halin sa ginaparkingan sini nga wala man lang nagsignal kag nagtuyo mag-overtake sa iya jeep. Naghinay ang driver agud makalusot ang salakyan ni Antiqueña pero naghinay man ini. Bangud sini, nagtuyo na lang si Sabido nga paunahon ang iya salakyan pero nagpadasig man si Antiqueña.

Pag-abot sa bangga Megaworld, ginsugo ni Antiqueña ang traffic aide nga nakilala lang kay Bautista nga dakpon si Sabido. Gilayon man gindakop sang traffic aide si Sabido bisan wala nakahibalo sang natabu. Nagluntad pa ang malawig nga baisay antes ginhatag sang driver ang iya lisensiya. (Aine Grace Bravo)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Lalaki nga Nagasakay sa Motorsiklo sa La Paz, Nakuhaan sang Duha ka Pusil sa Checkpoint!
Next post Iloilo City Council, magahimo sang closed-door deliberation para sa confirmation sang appointment sang bag-o nga City Tourism Officer