IPPO Director Sr/Supt. Cornelio Salinas, ginrelieve na sa iya pwesto!

Iloilo–Gin-relieve na bilang director sang Iloilo Police Provincial Office (IPPO) si SR/Supt. Cornelio Salinas kahapon.

Ginpa-idalum sa supervision ni Supt. Norberto Delmas, Deputy Police Provincial Director for Administration, ang IPPO bangud wala pa ini sang mandu nga magpungko nga officer-in-charge. Nagpasalig si Delmas nga tinguhaan niya nga mapadayon ang mga naumpisahan nga mga programa kag kampanya ni Salinas.

Si Salinas sa nahibaluan ang overstaying na bilang IPPO director. Ginhingyo pa ini ni Governor Arthur Defensor nga magtiner sa puwesto tubtub sa APEC ministerial meetings sa syudad sang Setyembre. Temporaryo nga gin-assign si Salinas sa Campo Delgado. (Aine Grace Bravo)