Ugnayan ng Barangay at Simbahan (UBAS), magasulat sa COA 6 agud padasigon ang special investigation sa hatagay sang shelter assistance sa mga benipisaryo nga nahalitan sang STY Yolanda sa San Dionisio

Iloilo City —  Magasulat ang (UBAS) ukon Ugnayan ng Barangay at Simbahan sa Commission on Audit (COA) 6 nga padasigon ang special investigation sa hatagay sang shelter assistance sa mga benepisaryo nga nahalitan sang Super Typhoon Yolanda sa San Dionisio.

Suno kay Monsignor Meliton Oso, maga-request sila sa COA 6 sang madasig nga pag-audit agud makapadayon sila sa mas ma-id-id nga pag-imbestigar sa sistema sang hatagay sang assistance.

Sa pagpangusisa sangUBAS suno kay Oso, may masterlist man ang Municipal Social Welfare and Development Office sang mga totally kag partially-damaged ang balay pagkatapos sang bagyo duha ka tuig na ang nakaligad.

Apang wala man ini nagamit sang gin-release na ang shelter assistance gani nga madamo sang nagreklamo. (JoMaque)