Mga cause-oriented groups, magadumdom sang ika-6 nga anibersaryo sang Maguindanao Massacre paagi sa misa kag candle lighting sa atubang sang estasyunan sang Aksyon Radyo Iloilo buwas

Iloilo City — Pagadumdumon sang mga cause-oriented groups ang ika-6 nga anibersaryo sang Maguindanao Massacre nga nagbilin sang 58 ka patay lakip ang madamo nga journalists buwas.

Suno kay Ms. Hope Hervilla sang Bayan Panay, maga-vigil sila sa atubang sang Aksyon Radyo Iloilo buwas sa hapon agud dumdumon ang wala gihapon sang hustisya nga natabu.

Magluwas sini, magapakita man ang grupo sang pagsuporta sa Aksyon Radyo kasunod sang natabu sang huwebes sang kaagahon sa diin gintuyo nga sudlon sang ginapatihan armado nga kalalakihan ang estasyunan.

Ginakondenar gid suno kay Hervilla sang Bayan Panay ang tuyo nga pagpahipos kag pagpahug sa media agud mapunggan ang paghambal sang kamatuoran. (JoMaque)