12 ka balay, nasunog sa Loboc, Lapuz!

Iloilo City–Nagkinagula ang mga residente sa Sitio Creek, Barangay Loboc, Lapuz sang nag-ibwal ang daku nga kalayo kagab-i.

12 ka mga balay ang totally-damaged sa sunog samtang 6 ka iban pa ang partially-damaged. Gin-alegar ni Jose Cordova, isa sa mga nasunugan, nga nagsugod ang kalayo sa balay sang iya utod nga si Jude. Ginpasuni sini nga nagtuyo mag-suicide si Jude paagi sa pagsunog sang iya kwarto.

Padayon nga gina-imbestigaran sang Bureau of Fire Protection (BFP) Iloilo City ang kawsa sang sunog. Wala naman sang nareport nga casualties sa natabu. Ginbanta ni F/Supt. Jerry Candido sa isa ka milyon ka pesos ang kahalitan sa sunog. (Aine Grace Bravo)