Lalaki nga ginapatihan may nerbyos, patay matapos aksidente nga nahulog sa taytay sa Muelle Loney, City Proper

Iloilo City–Patay ang lalaki nga ginapatihan may nervous breakdown sang disgrasya nga nakadanlog kag nahulog sa idalum sang taytay sa Muelle Loney, City Proper kahapon.

Suno sa isa sa mga nagapamunit sa taytay nga si Willie Galagate, armado sang duha ka kutsilyo ang lalaki kag nagapanglagas sa makita nga mga tawo. Nagapalanggit-um na ang lalaki sang ginkuha sa tubig nga ginhingagaw dala sa ospital apang gindeklarar nga napatay.

Wala pa tubtub subong nakilala ang lalaki nga ginabanta naga-edad sang 40 tubtub 45 anyos, nakasuksok sang puti nga sando, brown cargo shorts, matambok kag ginabanta sa 5’7 tubtub 5’8 ang kataason. (Aine Grace Bravo)