Pag-extend sang ruta sang Ceres Bus Liner padulong sa ila bag-o nga terminal sa Buhang, ginatugtan sang LTFRB 6

Iloilo City–Indi madakup ang mga driver sang Ceres Bus Liner kon mag-extend sang ruta halin sa Tagbak Terminal padulong sa ila bag-o nga terminal sa Buhang, Jaro.

Suno kay LTFRB 6 Legal Officer Josemarie Lamparero, mahimo maka-extend sang ruta ang Vallacar Transit bangud sang isa ka bulan nga provisional order nga ginhatag sang LTFRB regional director nga nag-epekto sang Nobyembre 23. Samtang gin-athag ni Lamparero nga wala sang legal bases ang management sang Vallacar Transit nga magamit sang shuttle vehicle agud mag-cater sang mga pasahero.

Ang pahayag ni Lamparero bilang reaction sa statement ni ICLAJODA President Boyet Parcon nga indi maka-pick-up sang mga pasahero ang ila mga units sa bag-o nga terminal sa kahangawa nga mamultahan sang cutting trip. (Aine Grace Bravo)