Balay sa Manduriao, gin-arado sang Montero Sports!

Iloilo City–Gin-arado sang 2012 Mitsubishi Montero Sports ang sala at dining area sang balay sa Monterosa Subdivision sa Hibao-an Sur, Manduriao kagab-i.

Suno sa driver sang Montero nga si Gregorio Deloeste, magarahe na kuntani siya sang gulpi nag-accelerate ukon nagbutyog ang salakyan. Ginpanindugan ni Deloeste nga naka-neutral kag naka-handbreak man siya apang nagdiretso ang salakyan.

Napilitan si Deloeste nga ibunggo sa haligi ang Montero sang nagsulod sa sala kag dining area sang balay. Naguba ang mga kagamitan nga nalabayan sang salakyan kag nahulog bisan ang kisame bangud sang impact sang pagbunggo. Maayo nga balita naman bangud wala sang nasamaran sa natabu.

Ginpa-blotter sang pamilya ang natabu sa Manduriao PNP. (Aine Grace Bravo)