Relief order batuk sa mga chiefs-of-police nga pigado ang performance sa kampanya kontra illegal drugs, ipatuman ni IPPO OIC Sr/Supt. Roderick Alba

Iloilo–Iga-implementar ni Iloilo Ppolice Provincial Office OIC Sr/Supt. Roderick Alba ang mandu sang Police Regional Office 6 nga serbihan sang relief order ang mga chiefs-of-police sa probinsya nga may pigado nga performance sa kampanya kontra illegal nga druga.

Suno kay Alba, nabaton niya kahapon ang memorandum kag ipatuman sa labing madali nga panahon ang relief order. Apang sa 12 suno sa iya sang hepe, lima dire ang naga-schooling rason nga indi apektado sa mandu apang subject gihapon sa summary proceedings.

Ang nabilin nga pito ka chiefs-of-police ang dagdagan sini sang relief order nga amo sanday C/Insp. Alejandro Apostol sang Sara PNP; Sr/Insp. Cecilia Julleza sang San Enrique PNP; Sr/Insp. Jose Nemias Pamplona sang New Lucena PNP; Sr/Insp. Norberto Sipole sang Leon PNP; Sr/Insp. Norlan Perante sang Guimbal PNP; Sr/Insp. Abner Jordan sang San Joaquin PNP; kag Sr/Insp. Daniel Robles sang Maasin PNP.

Iga-assign suno kay Alba ang pito ka mga na-relieve nga chiefs-of-police sa IPPO samtang nagapadayon ang imbestigasyon batuk sa ila. (Aine Grace Bravo)