Update: Biyahe sang mga sakayan pandagat paguwa sa Iloilo, ginkanselar sang Coast Guard

Iloilo: Kanselado na ang tanan nga biyahe sang mga roro vessels, barko kag fast crafts halin sa Iloilo pakadto sa nagkalain-lain nga lugar.0

Ginkumpirmar ni Lieutenant Jomark Angue, commander sang Coast Guard Iloilo, nga kanselado ang mga biyahe sugod alas-5 kaina sang kaagahon. Kasunod ini sang pagpa-idalum sa Iloilo sa signal number 1 bangud sa Bagyo Nona.

Limitado naman ang biyahe sang mga pumpboats halin Guimaras pa Iloilo City kag vice versa. Halin lang ang biyahe sa sunrise tubtob sunset kag ginbuhihan sang 50 porsyento ang passenger capacity sang tanan nga pumpboats. Ginpanugyanan man ang tanan nga pumpboat operator nga magdala sang radio communication kag i-obligar ang mga pasahero nga magsuksok sang life jacket. (Aine Grace Bravo)