Dugang nga personalidad, na-identify sang Manduriao police nga kaupod ni Melvin Odicta Sr nga nagtuyo magsaka sa Aksyon Radyo Iloilo

Iloilo City–Nadugangan ang mga personalidad nga na-identify sang Manduriao police sa mga kaupod ni Melvin Odicta Sr, ang gintudlo sang PDEA 6 nga lider sang drug group, nga tuyo magsaka sa Aksyon Radyo Iloilo sang Nobyembre 19 sang kaagahon.

Apang nagbalibad pa si C/Insp. Kit Flora, hepe sang Manduriao PNP, sa pagbuyagyag sang pangalan sang lima pa ka mga lalaki nga kaupod sa grupo ni Odicta. Suno kay Flora, nagapangita sila sang paagi agud mabutang sa judicial affidavit ang testimoniya sang posible testigo agud mapalagas sa gin-file nga kaso batuk kanday Odicta Sr, Melvin Odicta Jr kag Barangay Kagawad Jesus “Jinging” Espinosa sang Monica-Blumentritt, City Proper.

Indi naman mahambal ni Flora kon san-o ipasaka ang kaso batuk sa lima nga ulihi lang na-identify. (Aine Grace Bravo)