Mga isnabero nga taxi driver, ginpaandaman sang LTFRB 6 nga magapangatubang sang multa kon magpamalibad nga magdul-ong sang pasahero!

Iloilo City — Nagpa-andam si Atty. Jose Marie Lamparero, legal counsel sang LTFRB 6, sa mga isnabero nga taxi drivers nga magapangatubang sang multa.

Gin-engganyo ni Lamparero ang mga pasahero nga maka-experyensya sang pagpang-isnab sang mga taxi drivers nga magreklamo sa ila opisina agud ma-aksyonan.

Lima ka libo ka pesos ang multa suno kay Lamparero sa first offence kon magpangindi ang taxi driver nga magdul-ong sang pasahero.

Suno kay Lamparero, indi dapat magpili ang mga taxi drivers sang pasahero.

Dapat suno kay Lamparero nga tandaan sang pasahero ang sequence number ukon ang apat ka numero sa kilid kag likod sang taxi kag i-report sa ila opisina agud mapatawag ang operator. (JoMaque)