Negosasyon agud mapasungka si PO2 Gary Catedral nga masobra 23 oras nga nagpakuribong sa hotel sa Jaro, napaslaw suno sa ICPO gani gin-assault sang SWAT team

Iloilo City–Gintinguhaan sang negosyador nga makuha ang pagsalig ni PO2 Gary Catedral kag makumbinser ini nga magsungka sa mga otoridad matapos ang malapit 24 oras na sini nga pagpakuribong sa iya kwarto sa El Haciendero Hotel sa M. Jaime, Jaro kahaon.

Suno kay Senior Inspector Mark Cordero, makatatlo niya ka beses nga na-istorya si Catedral kag ginpasalig ini nga ipalab-ot ang iya problema sa mga mataas nga opisyal. Gintinguhaan man sini nga mapa-istorya si Catedral sa iya asawa apang wala ini nagapamati.

Gindeklarar ni Cordero nga failure ang negosasyon sang wala na naga-kooperar, indi na ma-contact kag nagapalupok na si PO2 Catedral. G

Gin-athag naman ni Supt. Roderick Condag, team leader sang IPPO SWAT, nga team work nila sang ICPO SWAT ang pag-neutralize kay Catedral. Nagresponder suno sa iya ang IPPO SWAT matapos nabaton ang text message ni PRO 6 Director C/Supt. Bernardo Diaz nga magbulig sa insidente agud nga makapahuway ang ICPO SWAT.

Nagbulig sila sa pag-assault ang IPPO SWAT sang napaslawan ang negosasyon kay Catedral. (Aine Grace Bravo)