Mga pulis, istrikto nga magabantay sa baligyaanay kag pagpalupok sang mga firecracker sa pagsug-alaw sang bag-ong tuig

Iloilo City — Mas istrikto na nga magabantay ang mga pulis sa baligyaanay kag pagpalupok sang mga firecrackers may kaangtanan sa pagsug-alaw sang bag-ong tuig.

Suno kay Supt. Gilbert Gorero, spokesman sang Police Regional Office 6, nagpaguwa sang guideline si PRO-6 Director Bernardo Diaz para sa mas hugot nga pagpatuman sang firecracker law.

Naga-apelar ang pamunuan sang PNP sa rehiyon sa mga local chief executives nga mag-establisar sang firecracker zone sa diin mahimo lang makabaligya sang legal.

Ini agud mahapos ang pag-inspection kag pag-regulate sa pagbaligya sang mga palupok.

Gina-engganyo man ni Gorero ang mga local chief executives lakip na ang mga barangay officials nga mag-designar sang lugar sa diin mahimo lang nga makapalupok. (JoMaque)