Pito ka firecracker-related incidents, narecord sang Aksyon Radyo Iloilo sa pagsug-alaw sa bag-ong tuig sa Iloilo

Iloilo — Pito ka firecracker-reltaed incidents ang narecord sang Aksyon Radyo Iloilo sa pagsug-alaw sang bag-ong tuig sa Iloilo.

Gindala sa nagkalain-lain nga mga ospital ang mga biktima sang palupok.

Kalab-anan sa mga biktima ang nalukpan sang kamara, puwitis kag imrpovised nga mga palupok pareho sang boga.

Sa kabug-usan, base sa monitoring sang Aksyon Radyo Iloilo, nangin malinong kag matawhay ang pagsug-alaw sang bag-ong tuig sa syudad kag probinsya.

Magluwas lang sa duha ka shooting incidents, tatlo ka hacking, stabbing kag 11 ka vehicular accidents. (JoMaque)