Pila ka dalanon sa City Proper, siraduhan karon sa hapon para sa Opening Salvo sang Dinagyang Festival

Iloilo City–Siraduhan ang pila ka dalanon sa City Proper karon sa hapon para sa opening salvo sang mga tribu nga mapasakop sa ati tribe competition sang Dinagyang Festival.

Ala-1 sa hapon, umpisahan ang rerouting sang mga salakyan kag alas-2 magasugod ang opening salvo pagkatapos sang misa sa San Jose Parish Church. Napulo ka mga tribu ang maka-perform sa lima ka mga judging areas sa Iloilo Freedom Grandstand, Iloilo Provincial Capitol area, Quezon-Delgado, Quezon-Ledesma kag Maria Clara-Rizal streets.

Lakip sa mga tribu nga mapasundayag ang Tribu Dagatnon sang Ramon Avanceña National High School, Panayanon sang Iloilo City National High School, Atub-Atub sang Mandurriao National High School, Ilonganon sang Jalandoni National High School, Salognon sang Jaro National High School, kag Pan-ay sang Fort San Pedro National High School. Maga-compete man ang Baybayanon sang Melchor Nava National High School, Paghidaet sang La Paz National High School, Buntatala sang Buntatala National High School, kag Obreros sang Barrio Obrero National High School. (Aine Grace Bravo)