Pagpatay sa duha ka mga nagabaligya sang sorbete nga ginsulod sa sako kag ginhal-id sa suba sa Sambag Jaro, posible ginplanuhan suno sa live-in partner sang isa sa mga biktima

Iloilo City – (UPDATE)   Posible nga ginplanuhan ang pagpatay kandayRJ Alumia, 31-anyos, kag Andrew Igpaz, 25-anyos, lunsay sang sitio Balod Barangay Anilao Pavia nga nasapwan nga nasulod sa saku kag ginhal-id sa kilid sang suba sa Sambag Jaro kahapon sang aga.

Pagpati ini ni Michelle Gajardo, live-in partner ni Alumia.  Suno kay Michelle, posible nga may naka-away ang iya partner kag si Andrew kag ginplanuhan ang pagpatay sa ila.

Pero sa pagkahibalo sini, wala sang kontra ang mga biktima.Wala man sang ideya si Michelle kon nagagamit sang illegal nga druga ang iya live-in partner ukon si Andrew.

Tubtob subong, wala pa nakita ang motorsiklo nga may sidecar nga ginakargahan sang ginabaligya nga sorbete sang mga biktima.

Las-10 sang aga sang sabado sang naghalin sa ila balay ang mga biktima suno kay Michelle kag wala na nakapauli tubtob nga nasapwan kahapon nga may mga pilas sang pagkalabo sa leog kag abaga. (JoMaque)