December 8, 2021

Mga pulis nga ginpahamtang malapit sa balay sang amay ni Councilor Plaridel Nava, kabahin sang integrated deployment plan sang Lapaz PNP

Read Time:58 Second

Iloilo City–Kabahin sang integrated deployment plan sang Lapaz Police Station ang pagbutang sang mga pulis sa barangay base sa direktiba sang mataas nga pamunuan sang Philippine National Police.

Pahayag ini ni PSINSP Edgar Anonoy, hepe sang Lapaz PNP, matapos nagwangal si Councilor Plaridel Nava sa ginbutang nga mga pulis sa atubang sang balay sang iya amay sa Libertad, Lapuz.          Ini ang rason suno kay Anonoy nga nadugangan ang police personnel sa Lapaz PNP kag gin-assign ang iban sa Lapuz Substation.

Gin-athag sini nga foot patrol deployment lang ang trabaho sang mga pulis nga na-assign sa Lapuz Substation nga nagakahulugan nga limitado ang ila kadtuan nga lugar. Wala man ini nagakahulugan nga matiner gid sa atubang sang balay ni Punong Barangay Sumakwel Nava sa Libertad, Lapuz ang mga pulis bangud seguridad sang tanan nga pumuluyo ang dapat nila bantayan.

Gin-athag man ni Anonoy nga wala sang mandu halin kay Mayor Jed Patrick Mabilog kag kay ICPO OIC PSSUPT Kashmir Disomangcop ang deployment kundi ang Commission on Elections. Temporaryo nga nagakuha sang instruction halin sa Comelec si Anonoy para sa pagbutang sang police personnel sa mga barangay sa Lapaz. (Aine Grace Bravo)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Mga police officials nga magbalibad nga magpa-interview sa media, mahimo pasakaan sang kaso administratibo suno sa PRO-6
Next post Mayor Jed Patrick Mabilog, nag-apelar sa mga kandidato sa Mayo 9 nga eleksyon nga likawan ang below-the-belt nga pagpangampanya