CPU student Vanessa Ann Caro, ginkoronahan nga Miss Iloilo Dinagyang 2016

Iloilo City–Gindugukan ang pageant night sang Miss Iloilo Dinagyang 2016 sa gym sang University of San Agustin kagab-i.

Ginkoronahan nga Miss Iloilo Dinagyang ang 3^rd year Finance and Accountancy student sang Central Philippine University nga si Vanessa Ann Caro. Bangud sini, si caro ang mangin representative sang syudad sa mga national beauty pageants pareho sang Bb. Pilipinas, Miss Earth-Philippines ukon Miss World-Philippines.

Si Janine May Coo nga store specialist sa isa ka telecom company ang ginkoronahan nga Miss Iloilo Dinagyang Heritage. Ang bank teller nga si Jhoanne Tañada ang ginkoronahan nga Miss Iloilo Dinagyang Aliwan kag magarepresentar sa syudad sa Miss Aliwan 2016 sang Manila Broadcasting Company.

Ginkilala naman nga 1^st runner up si Jeanyfer Ozbot nga 4^th year HRM student sang St. Therese-MTC Colleges La Fiesta Site kag 2^nd runner up ang registered nurse nga si Angelyn Magahum.

Nangin co-host sa pageant night si Miss International 2013 Bea Rose Santiago kag guests man ang madamo nga beauty experts. (Aine Grace Bravo)