1 patay, 9 pilason sa pag-arado sang van sa naka-parking nga mga motorsiklo kag tricycle sa Passi City!

Iloilo — Isa ang patay kag 9 ang pilason sang gin-arado sang public utility shuttle van ang pito ka mga motorsiklo kag isa ka tricycle lakip na ang mga naga-istambay sa kilid sang dalan sa atubang sang namatyan sa Barangay Bacuranan, Passi City.

Lakip sa mga nasamaran ang kapid nga bata nga lalaki nga naga-edad sang 9 ka tuig, isa ka naga-edad sang 7 ka tuig, isa ka 14-anyos kag ang 11-anyos nga napatay sa ospital.

Lima pa ka adult ang nalakip sa mga napilasan sa insidente. Preso na sa karsel sang Passi City Police Station ang driver sang van. (JoMaque)