Dinagyang Update: Choreographer sang Tribu Panayanon-Mr. Rommel Flogen, nagpaathag sa pagka-pierde sang tribu sa Dinagyang Ati Tribes Competition

Iloilo City — Ginbuhinan sang 2o points ang score sang Tribu Panayanon sang Iloilo City National High school gani nga na-apektuhan ang ila final score sa Ati Tribes Competition sang 2016 Dinagyang Festival.

Pa-athag ini ni choreographer Rommel Flogen kon ngaa wala gid nakalusot sa top 5 ang grand slam nga Tribu Panayanon bisan pa nga walo sa 13 ka awards ang ila nakuha.

Posible suno kay Flogen nga tuman ka lapit sang competition gani nga nahulog sila sa ranking.

Gindeklarar nga kampeon sa Ati Tribes Competition subong nga tuig ang Tribu Salognon sang Jaro National High School; 1^st runner up ang Tribu Ilonganon sang Jalandoni Memorial National High School; 2^nd runner up ang Tribu Pan-ay sang Fort San Pedro National High School; 3^rd runner up ang Tribu Paghidaet sang La Paz National High School kag 4^th runner up ang Tribu Baybayanon sang Melchor Nava National High School sa Calaparan, Arevalo.

Ginbaton ni choreographer rommel flogen ang desisyon sang mga judges sa dinagyang ati tribes competition nga nagbuhin sang 24 points sa score sang tribu panayanon sang iloilo city national high school bangud nga naglapaw ang takus sang props rason nga wala nila nakuha ang kampeonato kag wala gid nakasulod sa top 5..//

“IDFI Rules”

Ginkalipay ni Flogen bisan napierde sila bangud kon wala sang buhin ang score, sila gihapon ang makabig nga champion subong nga tuig.

Nagapati si Flogen nga ginbuhin sang judges ang puntos nila sa performance kag choreography agud mapatuman ang rules sang Iloilo Dinagyang Foundation Incorporated (IDFI) sa mga props.

Apektado naman ang mga estudyante nga nagpasakup sa tribu suno kay Flogen pero napa-athag na sa mga ini ang rason kon ngaa wala sila nagdaug.

Magaserbe ini nga leksyon suno kay Flogen agud nga i-interpret gid sang ensakto ang pagsulondan sang IDFI. (JoMaque)