July 4, 2022

Update: License to Own and Possess Firearm sang kontrobersyal nga negosyante nga si Melvin Odicta alyas Boyet, gin-revoke

Read Time:59 Second

REVOKE

Iloilo City — Gin-revoke na ang License to Own and Possess Firearm (LTOPF) sang kontrobersyal nga negosyante nga si Melvin Odicta Alyas Boyet.

Gin-aprubahan sang PNP Firearm and Explosives Office (FEO) ang rekomendasyon sang FEO License Revocation and Restoration Board (FLRRB).

Gin-aprubahan man ang pag-revoke ukon pagkanselar sang registrations sang 12 tanan ka mga pusil ni Odicta.

Napulo ka mga FLRRB members ang nagpirma sang rekomendasyon base sa FLRRB resolution number 2016-073.

Sa senate investigation sang Committee on Public Order and Dangerous Drugs sang Pebrero 2 may kaangtanan sa tuyo nga pagsaka sang grupo ni Odicta sa Aksyon Radyo Iloilo sang nagligad nga tuig, ginkwestyun ni Senador Tito Sotto kon ngaa na-isyuhan sang LTOPF ang negosyante bisan pa nga na-convict ini sang Disyembre, 1989 sa kaso may kaangtanan sa illegal drugs kag ginpamatbatan sang life imprisonment.

Base sa impormasyon nga nakalab-ut sa Aksyon Radyo, Pebrero 1 pa gin-aprubahan ang revocation kag kanselasyon sang LTOPF kag gun registrations ni Odicta pero sang Pebrero 5 lang gin-fax sa Campo Delgado.

Si Odicta ang gintudlo ni PDEA 6 Director Paul Ledesma nga lider sang Odicta Drug Group sa Iloilo. (Nemesio Martirez)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post 4 ka ginatudlo nga durugista sa Calinog, nadakpan sa buybust operation!
Next post 73-anyos nga Lalaki, Todo panghiwala sa akusasyon nga ginmolestyahan sini ang 4-ka tuig nga bata nga babaye sa Zarraga