December 1, 2021

Mga alkalde sang Sta. Barbara kag Concepcion, nakibot sa balita nga ginlakip sila sa mga LGUs nga gina-imbestigaran bangud sa paglapas sang Ecological Solid Waste Management Act

Read Time:53 Second

BASURA

Iloilo–Nakibot si Sta. Barbara Mayor Dennis Superficial matapos nalakip sa 50 ka local government units (LGUs) nga imbestigaran sang Office of the Environmental Ombudsman bangud sa paglapas sang Ecological Solid Waste Management Act.

Wala pa sang detalye si Superficial sa report gani nakibot ini bangud nagpanguna sila sa environmental governance sang 2014 nga gin-award sang Provincial Environment and Natural Resources Office (PENRO). Gin-ako sang alkalde nga wala sila sang sanitary landfill pero gina-practice sa banwa ang recycling. Aminado naman si Superficial nga outdated ang ila sistema sa recycling kag kinahanglan nga bag-uhon kag i-improve.

Suno naman  kay Concepcion Mayor Millard Villanueva, problema gid man sa banwa ang solid waste management. Ini bangud nga kulang sila sa resources sa pagpatindog sang sanitary landfill kag indi man epektibu ang pagpractice sang kada balay sa segragation sang mga basura gani nga nagakatipon.

Magluwas sa Sta. Barbara kag Concepcion, lakip man sa mga lugar sa Region 6 nga imbestigaran ang LGU sang Ajuy, Sara kag Banate sa Iloilo kag Nabas, Aklan. (Aine Grace Bravo)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post UPDATE: 18-anyos nga anak nga nag-ako sa pagpatay sa iya amay sa Ajuy, pasakaan sang kaso nga murder
Next post 3 pilason sa sunog sa Manduriao kaina sang kaagahon!