Pawnshop sa Passi City, nakawatan sang ginabanta P1M nga balor sang mga alahas

Passi City, Iloilo–Ginapangita na sang Passi City police ang duha ka suspetsado sa pagkawat sang indi magnubo sa isa ka milyon ka pesos nga balor sang mga alahas kag cash sa pawnshop.

Suno kay PSUPT Adrian Acollador, hepe sang Passi City Police Station, duha ka lalaki ang ila nakita sa CCTV footage nga nagsulod sa Christine & Grace Pawnshop sa F. Palmares Street sa syudad sang Passi kahapon sang kaagahon. Natukiban sang tag-iya nga si Christine Factora sang Tinucuan, Dingle nga ginkawatan sila sang na-abtan nga nagalinapta sa sulod sang pawnshop.

Magluwas sa mga alahas nga natago sa vault, ginreport man ni Factora nga nadula ang masobra P6,000 nga cash nga natago sa drawer. Gintuyo pa nga buksan sang mga suspek ang isa ka jewelry vault pero napaslawan. (Aine Grace Bravo)