Chaplain sang PRO 6, gin-engganyo ang kapulisan nga sundon ang bag-o nga kahulugan sang ALAK, SUGAL kag BABAE sa ila nga pagpamalandong sa kuwaresma

Iloilo City — Gin-engganyo ni Police Regional Office 6 chaplain Supt. Rodolfo Juroc Irezo ang kapulisan nga sundon ang bag-o nga kahulugan sang ALAK, SUGAL kag BABAE sa panahon sang kuwaresma.

Suno kay Irezo, may matabo nga reporma kon sundon sang mga pulis ang ALAK ukon Alalahanin Lagi Ang Kapwa; SUGAL ukon Sa Umaga Gunitain Ang Lumikha kag BABAE ukon Basahin Ang Bibliya at Ebanghelyo.

Kon sundon ini suno kay Irezo, matalupangdan sang mga pulis nga mangin ambassador sila ni Hesukristo kag maangkon ang paghugpong kag matadlong ang pagserbisyo sa komunidad.

Ginhimo ni Irezo ang pahayag sa flag ceremony sa Campo Delgado sa diin ginpahanumdom sini ang kapulisan sa pagpamalandong sa panahon sang kuwaresma.  (JoMaque)