Mga sakay sang motorsiko, patay sa aksidente sa Pototan

Pototan, Iloilo–Patay ang mga sakay sang motorsiklo sang nagsuhot sa idalum sang truck ang salakyan sa Brgy. Cahaguichican kahapon.

Suno kay PO1 Raffy Gonzalez sang Pototan PNP, nagasunod sa motorsiklo ang truck sang na-alang alang ini kag nabungguan. Nagtabog ang driver sang motorsiklo nga si Jofer Tabor, 29-anyos sang Taro, Tigbauan samtang nadala sa nagsuhot nga motorsiklo ang backrider nga si Julie Ann Baylin, 25 anyos sang Mandurriao.

Gindala sa ospital sa syudad sang Iloilo ang mga biktima apang napatay samtang ginpreso sa karsel sang Pototan PNP ang truck driver nga si Joel Tyumis, 43-anyos sang Bacolod City. (Aine Grace Bravo)